كتير بنسمع

كتير بنسمع فى بوستات لناس عن كلمة علاقات شرعيه ومناقشة الساديه والBDSM فى الدين

وطبعا ده شىء صعب جدا أولا لأننا مش رجال دين وثانيا العلاقات داخل العالم ده واضحه جدا ومش محتاجه نزيفها ونضع لها مبررات ... العالم ده لو أنت فعلا لك ميول هتقبله زى ما هو لكن تحاول توظفه وتغير فيه على مزاجك ده شىء صعب جدا وغير مقبول

يعنى ايه علاقات فى اطار شرعى ... يعنى تقصد انك ترتبط بجواز ببنت  طيب قولى ازاى يا ماستروانت المفروض عارف ان فى اكتر من نقطه تختلف مع ده.

أولهم انك عارف ان السليف لها حق الاختيار فى أمرين  .. أولهم انها تختار وتعلن بمحض ارادتها خضوعها لمن تقتنع به والثانى لها حق التحرر فى الوقت اللى تكون غير راضيه عن العلاقه

** تقدر تقولى لو حبت تاخد قرار التحرر ده بعد الجواز هيكون النتيجه ايه ... أنا هقولك يا أما هتتبهدل وتتعذب علشان تحصل على الطلاق ودى كارثه فى حد ذاتها انها بدون ذنب حصلت على لقب مطلقه ...يا أما تكون مرتبطه بانسان متفهم وعنده كرامه ويطلقها والمشكله الكبيره ان لو فى طفل ..

 ** وطبعا كلنا عارفين وخصوصا اللى له تجارب فى العالم ده  ان مش كل ماستر يصلح لكل سليف كل طرفين ولهم ما يناسبهم ... طب ايه العمل لو اكتشفت او انت اكتشفت ان الميول بتختلف وده وارد وبيحصل .

** وبما أن حضرتك بتطلب العلاقه تكون شرعيه تقدر تقولى هتكتشف ازاى توافقكم ولا حضرتك هتطلب منها الأول يكون فى مقابلات وسيشن وتجربه حقيقيه علشان يكون فى حكم مقنع يؤدى للارتباط ... تفتكر كده هيكون اطار شرعى  ولا لف ودوران منك

** كلنا عارفين ان حلم الارتباط ده شىء مهم جدا فى حياة البنت فبلاش تلعب على الوتر ده وخليك واضح وما تتسلاش ببنات الناس وتقنعها بحاجه انت مش مقتنع بيها .

** وطبعا عارفين أن السليف بتعلن خضوعها بناء على التفكير وبالاستناد الى العقل علشان يكون اختيارها سليم ... ل؟أن ما ينفعش تعلن خضوعها بناء عن عاطفه  لأن ده ممكن يؤذى اختيارها .. يعنى حضرتك لما تدخل لها من باب العاطفه بس علشان تبقى خاضعه ليك يبقى انت بتحاول تعمل عملية تخدير لعقلها علشان تملكها من النقطه الأضعف فيها وأنا الصراحه شايفه أسلوب غير محترم انك تتعامل كده لأن دايما الكلمه اللى على لسان الماستر قبل قرار بدأ العلاقه .. فكرى كويس فكرى كويس علشان تقررى صح .

** عالم الساديه وال BDSM ما بيعترفش الا بحاجه من الاتنين .. يا أما تكون مقتنع به جدا وداخله وعارف كويس مميزاته وعيوبه ......... يا أما تكون عاوز تتسلى أو تكون خايف وخوفك هيمنعك تدخله فالبطريقه دى افضل تبعد عنه .

أحيانا بنرفض ميول ناس تانيه غيرنا لكن عاوزين نقول كلمة حق  فى ناس فيهم بتحترم ميولها جدا وبتتأقلم معاها وجاده جدا

وهدى مثال فى ميول مثلا زى المثليات عارفه كويس جدا انها لا تصلح حياتها مع رجل  فبتعمل حاجه من الاتنين يا أما تعيش بدون زواج يا أما بتصارح شخص بميولها وبتكون عارفه ان هو له ميول تانيه وبتعرض عليه انهم يتجوزوا ويحترموا ميول بعض ... وطبعا بصرف النظر احنا بنحترم ميولهم ولا لأ ... مقصودى أن ده مثل لناس صريحه مش بتاعة لف ودوران وخداع

وطبعا الكارثه الأكبر القوانين اللى بنحاول نلزقها فى العالم ده بمزاجنا .. زى مثلا صديق اتكلم فى بوست ان ليه المتجوزين موجودين فى العالم ده وكلامه طبعا انه ما ينفعش وأنا عن نفسى الصراحه أول مره أسمع عن ميول للسنجل بس ... عاوز اقوله يا صديقى كلامك غلط  الميول مش بتنقى الميول كالبلاء ومادام حصل يبقى غصب عنك لا تملك خيار  ...

أتمنى نهدى شويه ونفكر علشان نقدر نقرر احنا هنقبل العالم ده زى ما هو  ولا هنمارس عليه هواية الخداع والمبررات ولا هنستخدمه وسيله نوقع بيها كام بنت ونقضيها

وكل علاقه فيها احترام طرف لعقلية واحتياجات الطرف التانى   هى علاقة راقيه  اذن الساديه علاقه راقيه

وطبعا أنا عارف لما أنزل البوست ده هتعرض لهجوم تتار وربنا يستر بس سامحونى لأنى بحب أكون صادق مع نفسى

# تخاريف_الدون_دى_ساد_الشرق_علاء_الدين