أفتخر فأنت تنتمى لمجتمع شرقى
كل ما عليك هو أن تفتخر وتلتزم بعاداته وتقاليده
واياك أن تنسى الكلمتين اللى حفظوهم للى ربونا .. عيب وحرام
معلش اسمحولى أفكركم بالتعليمات علشان يتقال أنك عربى شرقى أفضل من الغرب
تعليمات ممنوع تحس وممنوع تعبر....
** اوعى تخلى ابنك اللى عنده 7 سنين يعيط علشان الرجاله ما بتعيطش .
**لو وصلت ل 16 سنه أوعى تقول لزميلتك صباح الخير .. علشان ما ميتفهمش غلط .
** البنت أم 18 سنه ما ينفعش هى اللى تحب لازم هى اللى تتحب علشان مترخصش نفسها !
** البنت اللى عندها 27 سنه لازم تلحق تتجوز أى حد وخلاص .. علشان ما تعنسش !
** الراجل ما ينفعش يساعد مراته فى شغل البيت علشان ده بيقلل من رجولته !
** الحاجه أم 45سنه ما ينفعش تطلب من جوزها انه يقرب أو يهزر معاها .. علشان العيال أهم من الحاجات التافهه دى .
** الحاج ابو 55 سنه مينفعش يأخد مراته ويفسحها زى زمان ..علشان عيب ع سنه !
** اوعى تحاولى تسألى ماما فى أى معلومه عن الجواز علشان ممكن تقول أنا ما عرفتش أربى وبنتى انحرفت !
** لما تتجوزى أوعى تشوفى ايه اللى ممكن يمتعك وتقولى لجوزك علشان دماغه هتروح فى حته تانيه .
** اوعى تحاول تتناقش فى الدين علشان ممكن يقولوا عليك ملحد ومشكك .
الصراحه تعليمات مجتمعنا كتير أوى ومش هقدر أكتبها كلها لكن اللى عاوزين نقوله وبمنتهى الصراحه بنا وبين نفسنا احنا اضحك علينا فهمونا أن الغرب كافر وما عندوش وعى ولا مبادىء وأن احنا بكل اللى بنعمله ده أفضل منهم ..فهمونا أن دى التربيه الصح واكتشفنا بعدها واحنا بنربى ولادنا أننا محتاجين نربى نفسنا معاهم من أول وجديد .
مجتمع مش بيكتفى أنيسجن مشاعرنا وعواطفنا جوا سجن الكبت والوحده وينزع أدوات تعبيرنا بس ,, لا ده
بيعدمها تحت شعارعيب وحرام !
وبين جيل يحمل قلوب حجريه وأواح مشوهه يجد مجتمعنا ما يرضى غروره
احنا ضحايا مجتمع يدعى التدين والفضيله والرقى والديمقراطيه
يدعى أنه يحافظ علينا فى حين أنه ينزع من حقوقنا الأحساس والتعبير والوصول للحقائق
لما وضع أو كلام بيعجبنا بننحنى ونقلع القبعه ..
لكن الصراحه مش عارف لما نشوف حقيقة مجتمعنا المفروض نعمل ايه .. لا مؤاخذه يا مجتمع ............https://www.facebook.com/DeSadeBDSM
تعليقات
إرسال تعليق